НУ Театар Комедија Скопје ќе ја заокружи годината со премиерата „Нема да платам“ од Дарио Фо во режија на Александра Кардалевска.
Сценографијата ја направи Зоран Ѓурески, а костимографијата е на Маја Ѓуреска и Антонија Гунинска Јорданоска. Изборот на музика го изврши Александар Јорданов,а драматург е Дарко Јан Спасов.
Во последната премиера за годинава на НУ Театар Комедија Скопје играат: Атанас Атансовски, Валентин Костадиновски-Тино, Зорица Нушева, Жаклина Петровска и Александар Михајловски.
Политичката сатира „Нема да платам”, на добитникот на Нобеловата награда за литература,италијанскиот драмски писател, сценарист, режисер, актер и борец за човекови права и еднаквост Дарио Фо, ги пресликува реакциите на потрошувачите против зголемување на цените и е провокативна реакција против злоупотребите и неправдата на општеството.
Претпремиерата е закажана на 26.12 среда, премиерата на 27.12 четврток, а репризата е на 22.01.2019. Со оваа премиера НУ Театар Комедија ја реализира во целост програмата за работа за 2018 година.