Со музичко-ликовен перформанс вечерва во центарот на Гевгелија ќе почне Гевгелиското културно лето 2013.
Концерт под наслов „Бојата на звукот“ ќе одржи Кристина Арнаудова, а уметничката Цветанка Јованова инспирирана од песните на Арнаудова ќе слика на сцената.
За време на концертот Арнаудова ќе се претстави со своите најголеми хитови, а ќе изведе и македонски евергрини.
Годинашново „Гевгелиско културно лето“, кое ќе трае до крајот на август, ќе изобилува со изложби на слики и графики, концерти и театарски претстави, а ќе се одржи и традиционалната „Смоквијада“. Главен белег ќе му даде јубилејниот петти мултимедијален фестивал „БОШ“.