Меѓународниот филмски фестивал во Берлин, 63-тото по ред ќе биде отворен денеска со филмот Вонг Кар-ваи „The Grandmaster“.
На Берлинале во натпреварувачката конкуренција на играни филмови се најдоа 19 остварувања, меѓу кои се и новите филмови на Стивен Содерберг, Гас ван Санта и три филмови во кои ќе се појават француски филмски диви.
Овогодишниот филмски фестивал нуди избор на разновидни филмови, вклучувајќи ги и остварувањата од Казахстан и Иран кои ќе се борат за главната награда – „Златна мечка“ на првиот европски фестивал во годината.
Филмот Ван Санта „Promised Land“ (Ветена земја) во која игра Мет Дејмон и филмот на Содерберг „Side Effects“ во кој играат Џад Лоу и Кетрин Зета-Џонс, се најистакнатите остварувања кои доаѓаат од САД.
Многу значајни филмови доаѓаат и од Источна Европа вклучувајќи ги и остварувањата на оскаровците, босанско-херцеговскиот режисер, Данис Тановиќ „Епизода во животот на берачот на железо“, кој зборува за сиромашното ромско семејство, а тука и и филмот на романскиот режисер, Калина Петра Некер „Child`s Pose“, кој зборува за корупцијата во Романија.
Француските актерки, Жилиет Бинош, Кетрин Денев и Изабел Ипер ќе играат во различни филмови – Бинош во филмот „Camille Claudel 1915“, кој зборува за францускиот скулптор, Денев игра во филмот „On My Way“, а Ипер во филмот „The Nun“.
Од Иран на Берлинале стигнува филмот „Closed Curtain“ кој го режираа режисерот и дисидент, Јафар Панах и неговиот колега, Камбози Партов.
Од Казахстан оваа година на Берлинале ќе се претстави филмот на режисерот, Емир Бегазин „Harmony Lessons“. Во трка за главната награда на Берлинале ќе биде и првенецот на Швеѓанинот Фредрик Бонд, кој во Берлин стигнува со романтичната комедија „The Necessary Death of Charlie Countryman“.
Меѓу другите остварувања на списокот е и германското остварување „Голд“ со Нина Хос, која минатата година доби позитивни критики за улогата во филмот „Барбара“, а тука е и германско-француско-холандско-јужноафриканскиот филм „Layla Fourie“.
Во конкуренција се и филмовите „A Lonf and Happy Life“ (Русија), „Vic+Flo Saw a Bear“ (Канада), „In the Naume of“ на Малгошка Шумовска за полскиот свештеник хомосексуалец, „Prince Avalanche“ (САД), „Глориа“ од чилијанскиот режисер Себастијан Лели и „Paradise: Hope“ од австрискиот режисер, Улрих Сидл, како и јужнокорејскиот филм „Nobody’s Daughter Haewon“.