Со целовечерен концерт на ансамблот „Танец“ вечер во Охрид почнува 61. издание на Балканскиот фестивал на народни песни и игри во организација на центарот за култура „Григор Прличев“.
Традиционално пред почетокот на концертот, учесниците на меѓународната фолклорна манифестација ќе продефилираат низ охридската чаршија.
На сцената на Долни Сарај, до 11 овој месец, љубителите на фолклорот ќе имаат можност да погледнат настапи на ансамбли и културно-уметнички друштва од државата, но и од Албанија, Србија, Словачка, Босна и Херцеговина.
Најстарата фолклорна манифестација на Балканот, се одржува под покровителство на Собранието на Република Северна Македонија, а ќе ја отвори потпретседателот, Горан Мисовски.