Почна снимањето на филмот „Синиот час“

Од:

„Синиот час” е насловен краткометражниот филм по сценарио и во режија на Ана Јакимска кој почна да се снима вчера, во продукција на „Кавал филм“ и со финансиска поддршка од Агенцијата за филм.

Филмот е приказна за девојка која доаѓа во главниот град од мало провинциско место со големи очекувања, надежи и соништа за иднината.

– И покрај тоа што успева да се избори за своето место и да се интегрира во урбаната средина, сепак одредени ситуации ќе ја соочат со животот и реалноста наспроти нејзините очекувања, соопшти продуцентската куќа „Кавал филм“.

Улогите во филмот ги толкуваат Наташа Петровиќ, Жаклина Стевковска, Дарко Набаков и Тамара Ристоска. Директор на фотографија е Дејан Димески, сценограф: Симо Бранов, костимограф:Жаклина Крстевска, композитор Тони Китановски, монтажер Горјан Атанасов, шминкер Жанета Димитриевска.

Продуцент на филмот e Роберт Јазаџиски од „Кавал филм“, а копродуценти се Дејан Крајчевски од „Круг филм“ и Павлина Проевска од „Филмс за нас“.

Би можело да ве интересира

Кој ќе биде новиот Џејмс Бонд

Предраг Петровиќ

Познатата заводлива русокоса изгледа сосема непрепознатливо

Предраг Петровиќ

Синот на Шварценегер за снимањето на „Белиот лотос“: Семејството се уште не знае за моите голи сцени

Предраг Петровиќ

Том Холанд ќе глуми во адаптацијата на епот „Одисеја“

А1он

Промоција на книгата „Милчо Манчевски“ и проекција на „Прашина“ во Кинотека

Предраг Петровиќ

„Бруталист“-апсолутен добитник на Златен глобус

Предраг Петровиќ