Отворени презентации за запознавање со потенцијалните можности за аплицирање на повиците кои се дел од програмата Креативна Европа ќе се одржи денеска во Скопје во организација на Министерството за култура и Канцеларијата на Креативна Европа-потпрограма култура.
Како што соопшти Министерството за култура станува збор за отворени презентации „Повик за категоријата: Проекти за соработка-Креативна Европа Култура“ за 2020 година“ од страна на Билјана Прентоска, од Канцеларијата на Креативна Европа – Култура, Министерство за култура.
Презентација на проектот „Act-Art Clime Transition“ од страна на корисниците на проектот, невладината организација „Локомотива“ – Центар за нови иницијативи во уметноста и културата (пример од добра пракса) ќе одржи Билјана Тануровска Ќулавковски од „Локомотива“.
Настанот, како што соопшти Министерството, е отворен за претставниците на аудиовизуелниот сектор, културните и креативните сектори, приватните компании и фондации, општини, универзитети, студенти, здруженија на граѓани и медиуми.