Со настап на „Скопје гитар трио“, вечерва во 21.00 часот ќе биде отворено 32-то издание на Поетска ноќ во село Велестово, Охрид.
Годинашната Поетска ноќ ќе биде посветена на поезијата на Зоран Анчевски и скулптурите на Димитар Филиповски, а ќе читаат и шестмина македонски современи поети: Тоде Илиевски, Владимир Мартиновски, Ѓоко Здравески, Биљана Стојановска, Павлина Атанасова и Јулијана Величковска.
Во тремот на црквата „Успение на Св. Богородица“ во Велестово, вечерва во 22.00 часот ќе биде отворена изложба на академскиот скулптор Димитар Филиповски.
Настаните ќе бидат организирани согласно протоколите и препораките на Владата и Министерството за здравство за заштита од КОВИД-19.