Објавена книгата „Кутија“ од грчкиот автор Константинос Пацарос

Од:

Издавачката куќа „Бата прес“ ја објави книгата за деца „Кутија“ од грчкиот автор Константинос Пацарос. Делото го преведе Емилија Мајсторова-Стојановска. Објавувањето е со поддршка на Министерството за култура и програмата „Креативна Европа“ на Европската Унија.

Ова е првата од десетте книги од десет различни европски јазици што „Бата прес“ ќе ги објави оваа и наредната година во рамки на проектот „Отворени книги – отворени граници“.

-… Кога дојде Рашид во училиштето, животот ми се смени на подобро. Конечно добив другар, едно дете на моја возраст, кое во клупата седи до мене и ги споделува своите мисли и чувства со мене. Подоцна ме научи како подобро да играм одбрана во кошарка и илјада и една друга работа. Но, најважно беше што сфатив дека, доколку имаш барем еден добар другар, животот на училиште ќе ти биде супер. Па ако уште ти зборува Марија, што многу често се случува во последно време, станува сон од кој не сакаш да се разбудиш…, пишува Константинос Пацарос.

Како што соопшти издавачот, прекрасната илустрирана сторија на Константинос Пацарос сведочи за тоа како грчкото училиште ги зближува децата на економски и други мигранти од различна раса и поднебје.

Авторот Пацарос живее во Атина и работи како воспитувач. „Кутија“ е негова прва книга. За ова дело во 2014 година ја има добиено државната награда за литература за деца. Книгата на грчки ја објави во соработка со познатиот илустратор Василис Гривас.

Би можело да ве интересира

Објавена книгата „Од трезорот на Охридската архиепископија – белешки за светите твари и уметничките дела“

Ана Ололовска

„Недела“ на Ермис Лафазановски објавена на руски

Ана Ололовска

Излезе од печат книгата „Бушава азбука на музиката“ на Соња Андонов

Ана Ололовска

Промоција на новата сликовница „Ши, ѕифри, копчи“ од Владимир Лукаш

Ана Ололовска

Заврши манифестацијата „Месец на книгата“ во кумановската библиотека

Ана Ололовска

Списанието „Современост“ одбележува 70 години од постоењето

Ана Ололовска