Во рамки на традиционалната културна манифестација „Вечер на Живко Чинго“, Општина Охрид денеска го распиша годинашниот конкурс за наградата за најдобар расказ.
Право на учество има секој полнолетен граѓанин на Република Македонија. Краен рок за доставување е 31 јули, а жири-комисијата ќе ги објави резултатите во дневниот печат најдоцна до 8 август годинава.
– Трудовите треба да се достават во печатена форма во три примероци под шифра, без лични податоци за авторот, на адреса: општина Охрид, улица „Димитар Влахов“ бр.57 со назнака „За конкурост за расказ“, стои во конкурсот.
Наградата за најдобар расказ изнесува 30.000 денари, а ќе биде врачена на 13. август на манифестација „Вечер на Живко Чинго“.