Годинашни добитници на Меѓународната награда „Ана Франк“ се: Владимир Костов од Македонија, Сунчица Дениќ Михаиловиќ и Недељко Терзиќ од Србија, Мирослав Демак од Словачка и Јуриј Неципоренко од Русија.
Наградата ја доделуваат Издавачката куќа „Феникс“ и Фондацијата за културна и научна афирмација и презентација „Македонија Презент“ од Скопје за врвни остварувања во литературата за деца и млади.
Годинава наградата „Ана Франк“ се доделува по седми пат. Досегашни добитници се: Криста Јохансен (Канада), Стана Смиљковиќ, Тиодор Росиќ, Перо Зубац, Дејан Алексиќ, Миограг Јакшиќ, Даниела Божичковиќ-Радуловиќ (Србија), Милица Бакрач (Црна Гора), Виолета Димова, Весна Мојсова-Чепишевска, Марија Тодорова (Македонија), Катја Ерменкова (Бугарија), Божидар Просењак (Хрватска) и Жарко Милениќ (Босна и Херцеговина).