Во рамки на Битолско културно лето 2014, вечер во Битола под отворено небо ќе се одржи шестиот меѓународен поетски фестивал „Поетски синтези“ во организација на Здружението за наука и култура „НОВА“.
На фестивалот ќе настапат поети од Македонија, Србија и Бугарија, а традиционално ќе биде доделена специјалната награда „Поетска муза“ за естетизација на поетски дискурс и интерпретација на песна.
Утре, на вториот фестивалски ден, ќе се одржи Симпозиум на тема „Поетиката во македонската женска поезија“.
На Битфест вечер, на сцената на Тумбе кафе, ќе биде изведена претставата „Госпоѓа министерка“.
Во Малата сала на Центарот за култура, пак, од 20.30 часот концерт ќе одржи Мандолинскиот оркестар при КУД „Стив Наумов“, под диригентство на Нико Наумов.