Во грузиската престолнина Тбилиси од утре до 4 април ќе се одржува „Фокус на македонски филмови“, во организација на Филмскиот фонд на Република Македонија, Кинотека на Македонија и Грузискиот филмски центар.
Филмската ревија ќе биде отворена утревечер во киното „Руставели“, каде што ќе бидат сите проекции.
На филмската ревија ќе бидат прикажани избор филмови од браќата Манаки, кои се и први снимки на Балканот, и три играни филма: „Панкот не е мртов“ на режисерот Владимир Блажевски, „Тетовирање“ на Столе Попов и „Плати и жени“ во режија на Атанас Георгиев.