Литературниот клуб „Кирил Пејчиновиќ“ при Центарот за култура „Иљо Антески-Смок“ од Тетово го распиша годинашниот конкурс за најдобра необјавена песна за деца и возрасни. Конкурсот се распишува во две категории – најдобра песна за деца на македонски јазик и најдобра песна за возрасни на македонски јазик.
-Темата е слободна. На конкурсот ќе се доделат награди за првите три најдобри песни за деца и три најдобри песни за возрасни. Песните треба да бидат напишани на македонски јазик, а доколку се на друг јазик задолжително да се достави и препев на македонски јазик, информираше Мирко Видоески, претседател на Литературниот клуб „Кирил Пејчиновиќ“.
Конкурсот е отворен до 15 декември до 24 часот кога треба да пристигнат песните на електронската адреса на Клубот: literaturenklubtetovo@gmail.
-Песните треба да се напишани на компјутер под шифра, секоја песна во посебен фолдер и за секоја песна да се испрати решението на шифрата со назнака: За конкурсот на Литературниот клуб „Кирил Пејчиновиќ“, вели Видоески.
Поради пандемијата нема да се одржи литературна вечер и резултатите ќе бидат објавени на 25 декември на страницата и групата на Литературниот клуб на Фејсбук.