На 23. Меѓународен поетски фестивал во Меделин, Колумбија, кој се одржува од 6-ти до 13 јули, од Македонија учествуваат Никола Маџиров и Лидија Димковска.
Маџиров на фестивалот учествуваше и во 2011 година, а Лидија Димковска покрај Македонија на фестивалот ја претставува и Словенија. Како и останатите учесници од сите страни на светот, тие секојдневно имаат читања на различни локации во градот и во околните места.
Учесниците на фестивалот ги читаат песните на мајчин јазик и во препев на шпански, а сите заедно ќе настапат на завршната вечер, на 13 јули.
Песните на учесниците, на англиски и на шпански јазик, се содржани и во зборникот „Прометео“ кој се објавува на секое фестивалско издание.