Холандскиот град Леуварден и Валета, главниот град на Малта, ќе ја делат титулата „Европска престолнина на културата“ во 2018 година. Ја преземаат од данскиот Орхус и кипарскиот град Пафос.
Организаторите на програмата за 2018-та во Леуварден најавија отворање на целогодишната манифестација на 26-ти и 27 јануари кога сите плоштади на градот ќе бидат поврзани со настани со танц, театар, музика и песна.
Идејата им е да го покажат нивниот „iepen mienskip“ односно отворено општество.
Главниот град на Малта, Валета, е исто така европска престолнина на културата наредната година. Организаторите најавија дека нивната едногодишна културна манифестација ќе почне со свеченост достојна на традиционалната Maltese Festa, поканувајќи ги Европејците да ја посетат Неделата на отворање (14-21 јануари).