Лејди Гага одби да настапи на Оскарите и да ја изведе својата номинирана песна „Hold My Hand“ од филмот „Top Gun: Maverick“.
Пејачката морала да одбие да настапи на наградата поради снимањето на продолжението на филмот „Joker: Folie a Deux“, информацијата ја потврдил продуцентот на Оскар, Глен Вајс.
„Имаме одлични односи со Лејди Гага и нејзиниот тим, но таа моментално е на сред снимање филм, а ние сме тука да и оддадеме почит на филмската индустрија и она што е потребно за снимање филм. По долги преговори, заклучивме дека пејачката нема да може да настапи“, рече тој.
Гага ќе глуми верзија на ликот на DC Comics, Харли Квин, психијатар која се вкрстува со Џокерот пред да се справи со неговите злобни патишта. Маргот Роби претходно ја играше Квин во „Suicide Squad“ и „Birds of Prey“. Кејли Куоко го позајми гласот на ликот од анимираната серија на HBO Max „Харли Квин“.
Гага минатиот август го потврди своето учество во продолжението на „Џокер“, а филмот беше опишан како мјузикл.