Издавачката куќа „Феникс“ на својата веб-страница покренува специјален едукативен и креативен портал „Креативна домашна работилница“.
– Во услови на изнудена и привремена изолација, сите граѓани, и млади и возрасни, ќе имаат дополнителен простор за читање и следење, но и за комуникација и соработка со свои прилози преку мејлот [email protected], соопшти „Феникс“, наведувајќи дека работилницата ќе биде едукативно катче и простор за објавување делови од нивни изданија, но и за бројни нови прилози: песни, раскази, цртежи, илустрации, гатанки, поговорки, прашања, одговори, совети, идеи…
Во рамки на Креативната домашна работилница ќе бидат вклучени голем број писатели и други творци, а од нивните прилози наесен се планира и специјална публикација.