Здружанието „Љубители на класичната музика” од Скопје вечер на малата сцена во Македонскиот народен театар организира концерт по повод Светскиот ден на хармониката.
Ќе настапат ученици и студенти од класата на проф. Зорица Каракутовска, добитници на голем број награди на државни и меѓународни натпревари по музика. На програмата ќе бидат изведени дела од Моцарт, Вивалди, Дербенко, Илиевска-Бете, Пјацола, Семјонов…
Здружанието „Љубители на класичната музика” членува во Светската унија на хармоникашите, која во 2009 година одлучи 6 мај да го прогласи за Светски ден на хармониката, зашто на тој датум во 1829 година е патентирана првата хармоника.
Македонското здружение шеста година со организирање концерти се придружува на светското одбележување на хармониката.