Во концертната сала на факултетот за музичка уметност – Скопје вечер рецитал ќе одржи пијанистката Огненка Герасимовска – Димитровска. На програмата се дела од композиторот Јоханес Брамс и тоа пијано сонатата об. 1 оп. 1, шест дела оп 118 и четири дела оп. 119.
Герасимовска – Димитровска основното и средното музичко училиште го заврши во ДМБУЦ „Илија Николовски – Луј” во класата на проф. Рита Трпчева – Попович, дипломира и магистрира на Факултетот за музичка уметност во Скопје во класата на проф. Борис Романов. Во моментов го работи својот докторски труд во класата на проф Волфганг Манц од Нирнберг, Германија.
Добитник е на голем број државни и меѓународни награди како наградата „Климентина Рафајловска” за најдобар матурант, наградата „26 јули – Франк Манинг” за најдобро дипломиран студент во учебната 2006/2007 год на универзитетот „Св. Кирил и Методиј” – Скопје, I награда на меѓународниот пијано натпревар „Николај Рубинштајн” во Париз, Франција, II награда на меѓународниот натпревар „Виртуози за музика на пијано” во Усти над Лабем, Чешка, Лауреат на ЕПТА – меѓународен натпревар на млади пијанисти во Осијек, Хрватска, I награда на „Интерфест Битола” – интернационален натпревар за млади пијанисти, специјална награда за најперспективен млад пијанист доделена од Сојузот на музичките уметници на Република Македонија, III награда на пијано натпреварот „Карл Дрецхел” во Нирнберг, Германија.
Се има претставенона на голем број концерти во Македонија, Србија, Хрватска, Русија, Франција, Украина, Романија, Чешка, Косово, Израел, Германија, Австрија,…