Обоистот Васил Атанасов вечер ќе одржи концерт во Центарот за култура „Антон Панов“ во Струмица со кој ќе одбележи 40 години уметничка дејност.
Концертот го организира Сојузот на музички уметници на Македонија (СМУМ) по повод јубилејот на Атанасов кој годинава ја доби наградата „Златна лира“ за животно дело – највисоко признание кое го доделува СМУМ.
Вечерашниот концерт ќе биде последен од циклусот седум концерти. Атанасов неодамна одржа рецитал во Софија во придружба на пијанистот Тодор Светиев, а имаше и концерти во Скопје, Св.Николе и Делчево.