Македонската филхармонија вечер во Центарот за култура „Ацо Шопов“ во Штип ќе одржи концерт во рамки на фестивалот „Штипско лето“.
Оркестарот ќе настапи под диригентско водство на маестро Борјан Цанев изведувајќи дела од Манчев, Зографски, Росини, Хендл и Моцарт. Како солист ќе се претстави надежниот македонски сопран Гонца Богоромова.
По концертот во Штип, Македонската филхармонија ги почнува подготовките за настапот на Охридско лето каде на 3 август ќе одржи целовечерен авторски концерт со музиката на Кшиштоф Пендерецки. Композиторот, кој е еден од најголемите живи автори на денешницата, ќе биде диригент на оркестарот на концертот во Охрид.