По повод 80 години од раѓањето и 10 години од смртта на Бранко Варошлија, денеска во Градската библиотека „Браќа Миладиновци“ – Скопје ќе се одржи Книжевно попладне посветено на овој македонски писател.
На чествувањето за делото на Варошлија ќе говори Данило Коцевски, а фрагменти од неговото творештво ќе интрепретира актерот Томе Витанов.
Раскажувачот и романсиер Бранко Варошлија роден е во Скопје на 1 јануари 1934 година. Тој е автор на книгата раскази „ Осамени минувачи“ и на романот „Последниот лет на птицата селица“. Книжевната критика неговите книги ги објаснува како дело напишано според највисоките стандарди на модернистичкото писмо. Пишувал и драми и книжевни критики.
Работел како драматург во Македонскиот народен театар и како новинар во „Нова Македонија“. Член е на ДПМ од 1958 година и добитник е на наградата „Рациново признание“.
Починал на 1 јануари 2004 година во Скопје.