Во библиотеката „Страшо Пинџур“ во Скопје денеска ќе се одржи книжевно пладне во чест на 30-годишнината од смртта на мкедонскиот хуморист, сатиричар и лиричар Софе Штерјоски.
На настанот ќе се обратат писателот Горјан Петревски и хумористот и сатиричарот Иван Карадак. Делови од творештвото на Штерјовски ќе читаат актерите кои биле негови најблиски соработници во текот на неговиот работен век во Македонското радио.
Штерјоски работеше како новинар во редакцијата за хумор на Македонското радио. Пишуваше хумор и сатира, поезија и проза за деца и за возрасни и драмски текстови. Го создаде култниот радио лик Аврам. Добитник е на многу награди, а посмртно е добитник и на Повелба на „Јеж“ за исклучителна авторска соработка и придонес за угледот на списанието и признание за животно дело.