Книжевна вечер по повод 50 години од творештвото на поетот Михаил Ренџов организира Градската библиотека „Браќа Миладиновци“. Јубилејот се совпаѓа со 50 години од излегувањето на неговата прва стихозбирка „Иселеник на огинот“.
Михаил Ренџов е автор на дваесет книги поезија, препеви, раскази. Негови стихови се застапени во голем број поетски избори и е автор преведен на повеќе јазици. Добитник е на значајни книжевни награди од областа на поезијата и прозата.
За творештвото на Ренџов вечер ќе зборува писателот и професор Венко Андоновски, а стихови ќе чита актерот Роберт Велјановски.