Во Мултикултурниот центар во Кочани синоќа се одржа книжевна вечер на која посетителите се сретнаа со македонските автори Венко Андоновски, Ферид Мухиќ и Сашо Мацановски-Трендо.
– Посебно ми е мило што вечерва во преполнетата сала имав средба со моите читатели, кои ме одушевија со познавањето на моите дела. Ова беше убава можност низ директна средба да се комуницира со читатели на директен начин, изјави Венко Андоновски.
Издавачката куќа Табернакул која одбележува 25 години од постоењето, презентираше дел од творештвото на Андоновски, Мухиќ и Мацановски, а авторите на читателите им потпишуваа книги. Книжевната средба се одржа во организација на општината Кочани.