Книжевна средба со словенечкиот писател Андреј Блатник на која ќе биде промовирано македонското издание на романот „Измени ме“, ќе се одржи вечер во мултимедијалниот културен центар „Матица екслузив“ во Скопје.
Делото на познатиот писател е во превод на Соња Должан, а за него ќе говори проф.д-р Весна Мојскова Чепишевска.
Андреј Блатник е роден во 1963 година во Љубљана, Република Словенија. Автор е на значајни прозни дела, за кои е добитник на престижните словенечки награди „Златна птица“, „Жупанчичева награда“ и на наградата на „Прешерновиот фонд“. Неговите романи се преведени на дваесеттина странски јазици и се високо вреднувани од страна на литературна критика.