Во Младинскиот културен центар во Скопје вечерва ќе биде отворена изложбата на сликарите Владимир Симеонов и Менсур Бојда. Двајцата ќе изложат по седум слики кои посетителите ќе можат да ги погледнат во наредните 30 дена.
Симеонов е роден во Кочани во 1985 година. Има завршено Средно уметничко училиште и Факултет за ликовни уметности во Скопје. Досега има реализирано 13 самостојни изложби, а во 2011 година ја доби наградата „Петар Мазев“ од ДЛУМ.
Бојда има завршено Средно училиште за применета уметност во Скопје и Академија за ликовни уметности во Белград, прво во класата на Велизар Крстиќ, а потоа кај Слободан Роксандиќ на сликарскиот отсек. Досега има седум самостојни изложби, а учествувал и на повеќе групни изложби во земјава и надвор. Добитник е на наградата „Константин Мазев“ за сликарство на мал формат во 2013 година.