Во едицијата Балканска сатира излезе од печат третото издание на книгата со афоризми „Никој не сака да биде плашило“ од Миле Ѓорѓијоски.
Според рецезентот, српскиот сатиричар и хуморист Александар Чотриќ, Ѓорѓијоски пишува со голема енергија, волја и ентузијазам.
– Го красат оптимизам, елан и решителност, во секоја негова реченица се чувствува дека одлично ги разбира приликите и односите во општеството. Афоризмите на Ѓорѓијоски со минимум зборови и максимум мисли се квалитетен напредок на македонската кратка литературна форма, вели Чотриќ.
Авторот Миле Ѓорѓијоски е роден во Кичево, а трета деценија живее и твори во Делчево. Неговиот сатирично-хумористичен опус е богат и разноврсен. Автор е на осум книги со хумор, сатира и афоризми добитник е на повеќе домашни и странски награди, а од минатата година стана почесен член на Куќата на културата „Наџи Наман“ во Либан.
Третото издание на книгата е печатено во печатницата „Генекс„ во Кочани, а издаваќи се „Орион“ од Делчево и КУА „Артија“ од Параќин, Србија.