Во издаваштво на матичната библиотека „Гоце Делчев“ од Гевгелија, излезе од печат седмата поетска збирка „Метрички карван“ во која годинава се вклучени песни на дваесетина автори од Гевгелија и Прилеп.
Составувачи на збирката се гевгелиските автори Стефан Марковски и Дамјан Ѓуров кои велат дека селекцијата годинава е направена од помладата генерација творци како носители на современ поетски сензибилитет кој ги воспева егзистенцијалните норми и димензии како мисла и смисла на векот и светот.
-Во просторот се откриваат нивните бои, мириси и вкусови. Така во гевгелиските воспеви зад секој збор се калинката, смоквата, грозјето, крапот, молкот на езерската вода, а легендите и преданијата, како далечно прилепско ехо, ги отсликуваат каменот, карпите и тутунот, велат составувачите на поетската збирка.