Министерството за култура на Македонија во соработка со хрватското Министерство за култура денеска во ЕУ Инфоцентар во Скопје организира Инфоден и работилница за програмата Креативна Европа (Култура) – Проекти за соработка.
Македонските културни оператори ќе имаат можност да се запознаат со целите, приоритетите и критериумите на оваа категорија, со хрватското искуство со програмата, базите за барање на партнери и со Европската година на културно наследство 2018.
Преку презентациите на Анера Стопфер од Канцеларијата на Креативна Европа – Култура на Република Хрватска и Билјана Прентоска од Канцеларија за Креативна Европа – Култура на Република Македонија, учесниците ќе се воведат во работилницата во рамки на која заеднички ќе работат на развој на конкретни проект идеи, согласно критериумите на оваа категорија.
– Настанот има за цел да ги информира и подготви културните оператори за претстојниот повик за категоријата „Проекти за соработка“, соопшти Министерството за култура.