За годинешното, петто издание на Меѓународниот поетски фестивал „Литературни искри 2018“ во Гостивар се пријавија 98 автори од Македонија, Србија, Хрватска и Бугарија. Конкурсот за учество на овој фестивал на 21 април, а траеше до 5 мај.
Од организацискиот одбор на МПФ „Литературни искри“ изразуваат задоволство од одѕивот на поети, се и се заблагодари на сите кои испратија свои песни на конкурсот.
– Жири комисијата започна со работа и со оценување на пристигнатите творби, а составот на жирито ќе биде јавно објавен откако ќе се изврши оценувањето, заедно со резултатите, велат од тимот на МПФ „Литературни искри“.
По изборот на комисијата за најуспешните, ќе биде направена и селекција на автори што ќе бидат застапени во заедничка збирка, алманах.
Фестивалот се одржува во чест на Денот на сесловенските просветители, 24 Мај, а го организираат Културното здружение „Дунек“ во соработка со Центарот за култура „АСНОМ“ во Гостивар.