Со изложбата „Обединети сме посилни“ на Државниот архив на Република Македонија на 15 јули ќе почне традиционалната манифестација „Гевгелиско културно лето“.
Изложбата е по повод 70-годишнината од победата над фашизмот. Покровител на манифестацијата е општина Гевгелија.
Како што информира општина Гевгелија, во рамки на „Гевгелиско културно лето“ предвидени се изложби на слики и графики, концерти, промоции на книги, ЦД и монографија.
„Гевгелиското културно лето“ ќе трае до крајот на август. Предвидено е да заврши со традиционалната „Смоквијада“, фестивал на варење слатко од смокви по старински рецепти.