Најновото симфониско дело на Александар Пејовски „Делфинови солзи во ветрот – големиот бран“ вечер во МОБ ќе биде премиерно изведено на концертот „Филхармонија на кирилица“ на Македонската филхармонија.
Филхармонијата ќе изведе уште едно македонско дело – „Психофонија 1“ од Ристо Аврмовски.
Под диригентство на маестро Борјан Цанев, како солисти ќе се претстават четворица истакнати македонски уметници од различни генерации – Божидар Пејиќ на виолончело, Михајло Куфојанакис на виолина, Нинослав Димов на саксофон и Марија Ѓоешевска на пијано кои ќе изведат дела од Чајковски, Мијо и Шуман.
„Филхармонија на кирилица“ е увертира за јубилејот 70 години Македонска филхармонија што ќе се одбележи на 18 декември годинава.
Циклусот „Крилица“ ќе продолжи и во претстојната 2015 година со цел афирмација на македонското музичко творештво.