Општина Новаци со пригодна програма го одбележа светскиот ден на книгата и авторското право, а централен настан беше детскиот фестивалот „Мост меѓу две срца“.
Градоначалникот на општина Новаци, Лазар Котевски истакна дека фестивалот има за цел да придонесе за поттикнување и промовирање на детското творештво, креативното изразување и негов развој во руралните средини.
– Проектот има за цел да придонесе поттикнување на детското творештво преку конкурсот „Мост меѓу две срца“ кој што ќе го создадат деца -автори од повеќе основни училишта во општините од регионот. Поттикнувајќи го детското творештво гледано од креативноста на детското срце и срцето на книгата, посочи Лазар Котевски.
На фестивалот учествуваа по шест ученици автори како претставници од едно училиште, и тоа три од одделенска и три од предметна настава и по еден посебно надарен и талентиран ученик-автор кој е наградуван и посебно се истакнува во пишувањето.
– Авторските творби кои беа прочитани на фестивалот, по автоматизам влегуваат во детската книга која ќе се објави во октомври по повод месецот на книгата. На фестивалот гостуваа и членови од Друштвото на писатели на Република Македонија кои ја негуваат детската литература и учениците ќе имаат можност да се дружат со нив. За најдобрите творби одлучуваше четиричлена комисија составена од писатели и професори по македонски јазик, истакна Елизабета Јонќиќ, претседател на Културно иновативниот клуб-Новаци, организатор на фестивалот на книгата „Мост меѓу две срца“.