Издаваштвото „Везилка2011“ ја објави на македонски јазик стихозбирката на Енес Халиловиќ „Ѕидови“, во препев и со поговор на Ристо Лазаров.
За оваа книга минатата година Халиловиќ ја доби наградата „Меша Селимовиќ“, едно од највисоките книжевни признанија во соседна Србија. Добитник е и на наградите „Бранко Миљковиќ“ и „Ѓура Јакшиќ“.
Халиловиќ е автор уште на четири поетски книги, две книги раскази и еден роман. Негови книги се објавени на англиски, полски, француски, македонски и турски јазик, а преведуван е уште на петнаесетина јазици. Една негова драма е поставена во Берлин.