Детскиот културен центар „Карпош“-Скопје ќе одбележи седумдесет години континуирана работа.
За таа цел на денешната средба со медиумите ќе се обратат директорката на Детскиот културен Центар „Карпош“ Ружа Ѓорѓевска и градоначалникот на Град Скопје Петре Шилегов.
Пред точно 70 години почна со работа Пионерскиот дом „Карпош“ – симболот на културата во Скопје. За седум децении низ овој Дом поминале многу генерации кои преку посветена работа, со ангажман и труд дале придонес за континуираниот раст и развој, како и за подигнување на културата во Република Македонија. Во рамки на ова скопско култно архитектонско здание еминентни културни дејци ги поставиле столбовите на Драмскиот театар и Македонскиот балет.
Детскиот културен центар „Карпош“ денеска е културно-образовна институција каде се работи и вложува во децата кои се основата за градењето и збогатувањето на иднината.