Продолжува реконструкција на Домот на културата „Злетовски рудар“ во Пробиштип.
Градоначалникот на Општина Пробиштип, Драган Анастасов вели дека проектот беше стопиран, поради нарушената статика на зградата. Но, од буџетот на Општина Пробиштип обезбедени се дополнителни средства за да се санира и овој проблем.
– Деблокиран е и продолжен со реализација европскиот ИПА проект за реконструкција на Домот на културата, со сопствено учество за санација на нарушената статика на објектот во вредност од 2.500.000 денари, вели Анастасов.
Општина Пробиштип треба да обезбеди и дополнителни средства за внатрешно уредување на просториите, по што е планирано вработените во општината да се сместат во овој објект.
Инаку реконструкцијата на Домот на културата се раелизира преку Програмата за Меѓугранична соработка Македонија – Бугарија, партнер во проектот им е бугарската општина Рила, а вредноста на овој проект изнесува над 158.000 евра.