Во рамки на 42. Мајски оперски вечери, вечер ќе биде изведен романтично-фантастичниот балет во два чина „Жизел“.
Тој е еден од ретките балети кои имаат непрекината традиција на изведување. Праизведен е во Париз, во 1841 година.
На сцената на Македонската опера и балет вечерва во наслованата улога во балетот „Жизел“ ќе настапи првенката на Берлинскиот државен балет, Јана Саленко. Нејзин партнер во улогата на Алберт, ќе биде Дину Тамазлакару, кој исто така работи во Берлин. Како Хиларион ќе настапи Бобан Ковачевски, Мирта е Ивана Коцевска, Па де де играат Билјана Басмаџиева и Иван Бојко од Украина.
Настапува комплетниот балетски ансамбл и оркестарот на МОБ. Кореограф е Леонид Лавровски од Русија, а диригент, Алис Фарнам од Велика Британија.