Авторска средба со Блаже Миневски во „Матица Ексклузив“

Од:

Во среда од 11 до 14 часот во „Матица Ексклузив“ ќе се одржи авторска средба со Блаже Миневски по повод неговиот најнов роман „Мрежата на Мамли“ за кој Венко Андоновски напиша дека е „роман кој има пресвртничка улога во развојот на македонскиот роман“. Академик Митко Маџунков, пак, смета дека „Мрежата на Мамли“ е роман кој зборува за нешта што навидум сите ги знаеме, но „никако не можеме да ги напишеме на ваков начин“.

За академик Божин Павловски романот на Миневски е „прозен бисер на македонската книжевност, врвна проза со лексички бравури на беспрекорен стилист, дело со брилијантна наративна меморија што овозможува во еден здив да се откриваат и следат толку многу сјајни ликови и пресврти“.

Големиот интерес за романот „Мрежата на Мамли“, како што велат од „Матица Македонска“, деновиве е потврден и со фактот што веќе се откупени авторските права за негово објавување на бугарски во Софија и на српски јазик во Белград.

Инаку, на средбата со читателите авторот ќе го потпишува овој роман но со специјален попуст исто така ќе може да се добијат и останатите негови дела објавени во „Матица македонска“.

Би можело да ве интересира

Објавена нова книга од Марина Мијаковска

Ана Ололовска

Излезе од печат „Мирисот на ајкулата“ на Димитар Пандев

Ана Ололовска

Промоција на книгата „Како да се нацрта разговорот“ на Свето Стаменов и Људмил Спасов

Ана Ололовска

Заокружена едицијата „Прашки ракописи“ на Ристо Лазаров

Ана Ололовска

„Скриени желби, немирни патувања“ – нов роман на Владимир Јанковски

Ана Ололовска

Во Куманово промоција на романот „Молчи и танцувај“ од Светлана Антиќ -Јовчевска

Ана Ололовска