Во Македонската опера и балет вечер ќе биде изведено современото балетско дело „14 часа“, кое низ синџир од 12 сцени, ги разработува женско-машките односи, преку ликовите на Лили и Марк.
Автор на музиката е Кирил Џајковски, кореографијата и сценографското идејно решение се на Игор Киров, костимите на Александар Ношпал, а режијата и либретото на Наташа Поплавска.
Играат: Александра Мијалкова, Наташа Јосифовска, Саша Евтимова, Билјана Басмаџиева, Дафина Данилоска, Васил Чичијашвили (Грузија), Бобан Ковачевски, Игор Веланоски, Јан Кисилев, Агим Бафтии, Гиорги Беридзе (Грузија).