Пред неколку месеци Мајкрософт најави низа новитети кои треба да ги подобрат Windows 10 апликациите Calendar и Mail. Meѓутоа, сите подобрувања тогаш можеа да ги очекуваат само корисниците на Outlook и Office 365 кои имаат свои профили. Меѓутоа, сега стигнува и поддршка за Гмаил.
По многу години борба која Мајкрософт ја водеше со овој Гуглсервис, компаниите конечно почнаа да соработуваат.
Сопствениците на Гмаил профили така ќе можат да уживаат во новите можности на апликациите интегрирани во Windows 10. Тоа вклучува Focused Inbox, побрзо пребарување, Interesting Calendars и други опции.
Focused Inbox со време се покажа како многу корисен додаток за сите кои примаат многу меил пораки. Оваа опција всушност го одвојува инбоксот на „приоритетен” дел и „останато”.
Поважните пораки (значи, не реклами, newsletter и слично) одат во „фокусираниот” дел и корисникот може полесно да им се посвети. Focused Inbox работи се подобро колку повеќе го користите, а познат е и по голем број на мобилни корисници (платформите iOS и Android ги имаат веќе некое време преку апликацијата Outlook).
Сепак, за почеток Гмаил ќе можат да го тестираат само Windows Insideri, а подоцна треба да биде вклучен во некоја од надградбите на Windows 10.