Гробница со 20-тина тела откриена во Славјанск

Од:

Украинските власти денеска соопштија дека нивните сили откриле масовна гробница во градот Славјанск, кој до неодамна беше под контрола на проруските сепартисти од источна Украина.

Како што соопшти советникот на украинскиот министер за внатрешни работи, Антон Герашченко, во гробницата имало околу 20 тела, од кои најмалку четири биле во цивилна облека.

– Знаеме дека има и други масовни гробници како оваа, но не знаеме каде е. Ова е прва што ја откривме, нагласи Герашченко.

Според него, четирите тела во цивилна облека им припаѓале на локални жители, кои биле грабнати од страна на сепартистите за време на неделна служба во една црква.

Украинските власти, кои на почетокот на месецов воспоставија контрола над Славјанск, информираа дека водат истрага за неколку случаи на исчезнати лица од градот.

Според Високиот комесаријат за човекови права на ОН во украинските населени места под контрола на проруските сепаратисти исчезнале десетици лица.

Би можело да ве интересира

Муртезани во Киев потпиша Меморандум за соработка со Украина во процесот на ЕУ интеграција

Романија: Беспилотно летало забележано во Тулчеа, активирана е авијацијата

Кислица: Украина сака мир, но не „по секоја цена“

Русите го нападнаа Киев за време на посетата на Стармер

Зеленски: Трамп може да ја натера Русија да ја запре војната оваа година

(ВИДЕО) Украина: Нападнавме важна руска фабрика за барут

Горан Наумовски