Сообраќајна несреќа меѓу две патнички возила марка „мерцедес“ со скопски регистерски ознаки и „фолксваген“ со косовски ознаки, се случи околу 13 часот на автопатот Гостивар-Тетово во близина на клучката на селото Тумчевиште.
Во несреќата четири сопатнички во фолксвагеност се пожалиле на повреди и биле пренесени во гостиварската болниц, од каде по укажаната прва помош, се пуштени на домашно лекување.
Увид на местото на несреќата изврши екипа на СВР Тетово по овластување на јавен обвинител. За време на увидот, сообраќајот на автопатот во овој дел беше во прекин два часа, а возилата се пренасочуваа по околните патишта.