За време на новогодишните празници, десет контејнери во Скопје биле запалени, соопшти ЈП „Комунална хигиена“.
Најголемиот дел од запалените контејнери се наоѓале на булеварот Партизански одреди, во општината Карпош, а дел биле поставени на улицата Јане Лукроски, во општината Гази Баба, каде што е опожарен и еден специјален контејнер-ѕвоно, наменет за селекција на стакло.
„Со овие постапки се нанесува голема финансиска штета на претпријатието, но и се создаваат проблеми при одлагањето и собирањето на комуналниот отпад во градот. Апелираме граѓаните да престанат со уништувањето на опремата на ЈП ‘Комунална хигиена’ – Скопје и совесно да го одлагаат својот отпад, за нашите екипи да можат навремено да ги извршуваат своите работни обврски согласно Оперативната програма за работа“, велат од таму.
