Демонстранти, кои бараат политички и социјални реформи во Египет, вечерва влегоа во судир со полицијата пред претседателската палата во Каиро, на двегодишнината од падот на власта на поранешниот претседател Хосни Мубарак, јави БТА.
Полицијата употреби водени топови и солзавец за да ги растера демонстрантите, кои фрлаа со камења и други предмети кон претседателската палата.
Претходно неколку стотици луѓе со транспаренти „Револуцијата продолжува“, скандирајќи „Ако падне крв, веќе нема закони“, одржаа протестен марш до претседателскиот дворец, а други се насочија кон плоштадот Тахрир, центарот на настаните од јануари и февруари 2011 година.