Грчката полиција разби криминална група шверцери на наркотични средства и во близина на грчко-албанската граница заплени 236 килограми албанска марихуана.
Во акцијата уапсени се тројца грчки државјани, едниот од нив, 29-годишен, возач на комби во кое била натоварена дрогата, а за кого полицијата тврди дека е водач на нарко групата. Другите двајца уапсени Грци, на 28 и 29 годишна возраст, биле во друго возило и го контролирале патот.
Полицијата трага по еден албански државјанин, член на групата. Од оваа група на 6 февруари бил уапсен 27-годишен Грк.
Од тојцата уапсени одземени се и 3.195 евра и три мобилни телефони, како доказен материјал.
За два дена ова е втора поголема количина запленета марихуана произведена во Албанија. Претходно полицијата од приморскиот албански град Валона заплени 400 килограми марихуана, која била подготвена за транспорт кон италијанското крајбрежје.