Главниот град на Македонија ќе може да ужива во благодетите на 19-от век.
ЈП „Паркови и зеленило“ распиша тендер за храна и ветеринари за двата липицанери што ќе го влечат новиот градски пајтон, а се бара и опрема за кочијашите.
Тие ќе бидат две лица вработени во јавното претпријатие обучени од унгарски кочијаш, но сеуште не е познато како ќе бидат облечени.
Коњите веќе се купени и треба да стигнат набрзо, а кочијата ќе биде рачно изработена со подвижен црн покрив, водоотпорна кожа, фенери, дрвени врати и со капацитет за шест луѓе. Таа беше купена на тендер на кој најповолна понуда даде „Технометал Вардар“.
За коњите, македонската власт на своите грчки верни добавувачи им исплати 27 илјади евра.