На тетовско-гостиварското подрачје минатата година се одземени 7.343 грама марихуана, 2 грама хашиш, исто толку кокаин, 926 стебла „канабис сатива“, 10 шишиња „метадон“ и 60 ампули „дијазепам“ и тоа од вкупно 64 лица против кои се поднесени 43 кривични пријави.
Како што информираше портпаролот на СВР Тетово, Марјан Јосифовски, во прекршочна постапка во овој период биле одземени 5 грама марихуана и 8 шишиња „метадон“.
Во текот на 2012 година полицијата забележала вкупно 49 кривични дела „неовластено производство и пуштање во промет на наркотички дроги“. Покрај ова регистрирани се и 7 кривични дела „овозможување и употреба на наркотички дроги, психотропни супстанци и прекурсори. Полицијата изготвила 19 барања за поведување прекршочна постапка.
Според Јосифовски, во претходната 2011-та година бројот на ваквиот вид кривични дела изнесувал 62 и во нив биле вклучени 77 лица, а од страна на полицијата биле поднесени 53 кривични пријави.
