Кошаркарите на МЗТ Скопје на домашен терен го совладаа Гостивар со 97:81 во рамките на четвртото коло од Првата кошаркарска лига.
Иако домашните кошаркари извојуваа убедлива победа со 16 поени разлика, тимот од Гостивар триесетина минути беше равноправен противник и во последната четвртина од натпреварот влезе со само два поени негатива 70:68.
Но, МЗТ со серија на тројки направи предност од 84:71 која до крајот беше недостижна.
На вториот натпревар денеска Работнички извојува победа со 70:82 на гостувањето кај Куманово.
Домашните кошаркари во првото полувреме постојано одржуваа предност и на паузата заминаа со 42:39, но во вториот дел Работнички ја презедеконтролата над теренот и стигна до триумф од 70:82.
Работнички со оваа победа се врати на врвот од табелата и заедно со Блокотехна имаат по четири победи и ниту еден пораз, а зад нив се МЗТ, Фени и Куманово со по три победи и еден пораз.