НДП на претстојните локални избори за градоначалничкото место во Гостивар ќе го кандидира актуелниот градоначалник и претседател на партијата Руфи Османи, а во Тетово Изет Зеќири.
Ова го истакна потпретседателот на НДП Артан Дика, на денешната прес-конференција на која ги објави имињата на кандидатите за градоначалници во некои општини од редовите на партијата.
– Во Чаир ќе настапиме со партискиот потпретседател Гиктен Хазири, во Теарце со успешниот бизнисмен Рамадан Идризи, а во Желино со магистерот по финансии Беќир Черкези. Кандидат на НДП во Арачиново ќе биде бизнисменот Фекри Билали, во Куманово инженерот Фатри Салиу, а во Липково економистот Елхам Адеми, истакна Дика.
Во другите општини, додаде, НДП е во фаза на финализација на консултациите со јавни личности, бизнисмени и претставници од граѓанскиот сектор.
– Исклучок претставува општина Кичево, каде НДП ќе го поддржи кандидатот на ДУИ, но ќе настапи со самостојна советничка листа, исто како и во сите други општини со мнозинско албанско население, рече Дика.